Gammachuu ibaadaa keessa jiru

Alhamdulillahi faaruun kan Rabbiiti. Nagayaaa fi rahmanni ergamaa aalama hundaaf rahmataa , gammaachiisaa fi sodaachisaa ta’e irratti haa jiraaatu. Ergasii maatii isaaniitiifi sahaabota isaaniirratti akkasuma hordoftoota isaaniirratti haa jiraatu.

Kana booda: Namni amane ibaadaa keessatti tasgabbii onneetiifi gammachuu nafseeti argata. Tokkoo warra gaarii hojjatee yeroo gammachuu ibaadaa Rabbiitiin argate dubbatu akkana jedha:^<<Gammachuu nuti keessa jiraannu osoo beekanii qixa dandeettii isaaniitiin nuun lolaniiti nurraa fudhatan ^>>.

Gammachuu fi milkii salaata keessaa; salaatni amantii isliminnaa keessatti sadarkaa guddaa qabdi. Ragaan kanaa jecha Ergamaa(SAW) hadiisa Tirmiiziin gabaase keesssatti akkana jedhan^<<Mataan diin isliminnaadha. Utubaan isaa salaata.^>> ammaas Ergamaan(SAW):^<<Jalqabni waan gabrichi irraa qoratamuu,guyyaa qiyaamaa salaataa.yoo salaanni tolte wanni hunduu ni tola yoo salaanni bade hujiin isaa kan biraatiis ni bada.^>> jedhan. Salaanni hariiroo(qunnamtii) jidduu gabrichaatii fi Rabbii isaati. Irra cimaan milkii gabricha mu’uminaa fuul-duree goftaa isa uumee ,dhaabbatee kadhatee isa guddisuu dha. Gaafa tokko gurbaan taabi’iin maqaan isaa^<<Abdallah Muhammad^>>jedhamu abbaa isaatiin wajjiin gara mana sahaabicha tokkoo deemee,sahaabichi isaan simatee keessumeesse. Yeroo salaanni ga’u gabrittii isaatti lallabee; ^<<salaataaniin haara galfadhaa bishaan wuduu’aa naaf fidi^>>jedhee yaame. Yeroo kana Abdallaahi fi abbaan jecha kana dinqisiifatan,sahaabichiniis dinqisiifachuu fuula isaanirratti arkee sababii isaaniif ibse;Aniis Ergamaa Rabbiitiin(SAW) isaa akkana jedhu dhagahe ^<<Yaa Bilaal ka’ii salaataan haara nu galfachiisi^>>_Ahmad.           

Milkii zakaa keessatti arkamtu; Namni muslimaa zakaa fi sadaqaas wanni kennatuuf qulqullinaa fi barakaa arkachuufi. Ammaas harka qalleeyyii fi haajamaa gammachiisuufi. Guyyaa tokko Nabiyyiin(SAW) sahaabotni qabeenya isaaniirraa karaa Rabbiitiif akka kennan ajajee gammadanii orihanii horii isaanii kennuu irratti wal-dorgoman. Gariin isaanii   horii isaanii fidan. kuuniis fida.kan biraatiis  fida . umar ammoo fide gammachuun qalbii isaa guute ,fuula isaarraa mul’ate. Ergamaan(SAW):^<<Warra keetiif maal hanbifte ?^>>jedhanii gaafatan .^<<Qixuma isaatiin hambiseefi^>>jedheen umar. Eegasii Abbaan Bakrii horii isaa hunda baadhatee dhufe. Ergamaan (SAW)^<<warra keetiif maaal hambifte?^>>jedhaniin.^<<Rabbiifi Ergamaa isaatiin dhiiseefi ^>>jedhee deebise._{Abuu daawud fi tirmiizii.}                                                  
Gammachuu fi milkii soomanaa;soomanni lubbuu qulqulleesssee,naamusaan guddisuuf,rahmata isii keessatti magarsee,jaalalaan akka gabbattu godha. Ergamaan(SAW)^<<Namni soomanaa yeroo lama gammada:yeroo sooma hiikuufi yeroo Rabbii isaaatiin walga’u. ^>>_{Bukhaari fi Muslim.}