Fala(sihirii)

Maalummaa isaa,murtee isaafi mala ittiin of irraa ittisan 

Alhamdulillaahi faaruun kan Rabbiiti. Nagayaaa fi Rahmanni Ergamaa isaarratti haa jiraatu.akkasuma maatii fi sahaabota isaarrattiis haa jiraatu. Akkasuma warra karaa sirriirratti hanga guyyaa qiyaamaatti isa hordofan hunda irratti haa jiraatu.

Fala jechuun maali inni?

Jechi fala (sihirii)jedhu kan inni dhufe dhokataa waan jedhu irraa dhufe. Inniis wanti akkana jedhameef kan inni raawwatamu wantoota dhokataa ta’an kan ijji namaa itti qaqqabuu hin dandeenye irraa waan ta’eefi.Falli kan inni hojjatamu ilma namaatiin yoo ta’u  namtichi yeroo waan kana hojjatu garuu jinnii(sheeyxaana) of gargaarsifachuudhaani. Kan inni hojjatamuufiis nama garii ittiin miidhuufi garii ittiin fayyaduuf ta’a. garuu nama miidhuus ta’ee fayyaduus kan danda’u Rabbii guddaa qofa. namni fala hojjatu nama midhuuf yeroo jedhu wanti inni hojjatu kanneen armaan gadii faadha.

Ø  Sammuun namticha itti hojjatamuu akka jeeqamu(maraatu) gochuuf yaala

Ø  Qaamni isaa akka fayyaa dhabu godhuuf yaala

Ø  Haadha manaa fi Abbaa mana addaan baasuuf yaala

Ø  Barataa akka inni hin dubbifne godhuuf yaala

Ø  Nama daldalu yoo ta’e akka inni meeshaa isaa sirritti hin gurguranne godhuuf yaala.Haa ta’uu malee wantoonni kun hundinuu yoo Rabbiin qadaratti murteesse malee miidhaa tokkollee fiduu hin danda’u.              

Murteen nama fala hojjatee akka amantii islaamaatti maali?                                                                            Akka amantaa islaamaatti murteen isaa akkanatti ilaalamuu danda’a. yoo wantoota inni hojjatuu fi haasawu keessa hojiin ykn jechi kufrii jiraate akka tawbatee irraa deebi’u godhama. Yoo didee irratti hafe murtee shari’aatiin akka ajjeefamu taasifama. Kuniis waan ergamaan Rabbii(SAW) akkana jedhaniifi. ^<<murteen nama fala hojjatee seeyfii(habaleen) dhawamee ajjeefamuudha.^>>jedhan.Beektonni islaamaa hojii fi haala nama fala hojjatuu ilaaluun,namni fala hojjatu mushrika jedhanii murteessaniiru.Kanaafuu namni muslimaa kana beekee hojii akkasii irraa of eeggachuun isa irratti dirqama ta’a.                                                                      Namani falli itti hojjatame maaliin fayyuu(ofirraa deebisuu) danda’a? 

Namni tokko falli itti hojjatamee ofirraa deebisuuf qabxiilee armaan gadiitti fayyaadamuu qaba. Isaaniis  

1.      Toohidaan lubbuu isaa eeggachuu,wanti waan tokko namarraan ga’uu danda’u Rabbiin malee hin jiru jedhee amanuudha.

2.       Ganamaa fi galgala zikrii baay’isuu. Kanarra darbee namni falli itti hojjatamee miidhaa isarraan gahe ruqaa(Qur’aaanaa fi hadiisaan) ofirraa deemsisuun ni danda’ama. Namni falli itti hojjatame karaa lamaan ofirraa hiikuu danda’a. karaa lamaan kana keessaa tokko dhoorkamaa yommuu ta’u tokko immoo hayyamamaadha. Inni dhorkame sun fala falaan hiikuu ,nama fala hojjate bira deemuun akka inni isarraa hiiku gochuudha(kun haraama.) . kan hayyamamaa ta’e immoo Qur’aana ofitti qara’uu,ofitti qaraasisuun kan ofirraa hiikaniidha. Qur’aanni qara’amaniis kan akka suuraa kaafiruun,ikhlaas,mu’awwizatayni,faatiyaa,yaasiin,aayatulkursiyyii,aayatoota dhuma suuraa baqaraatti argamaniifi kan birootiis fedha Rabbiitiin ofirraa hiikuun ni danda’ama.